ہاڑا

ہاڑا

سن جوگیا راہوں بھلیا، مڑ گھر نوں پھیرا پا

تیر جوگن پئی اڈیکدی، تکدی پئی سنُجے راہ

میں کُٹھی کرد پریم دی، میرا سنگھی دے وچہ ساہ

نہ مردی نہ میں جیوندی، گئی لمی عمر وہا

میں تتڑی تاڑ تریہہ دی، جیوں مچھ بِن دریا

ساہ ساہ وچ بھانبڑ مچدے، میرے لوں لوں لگی بھا

ہڈ بالن کیتے ہجر نے، اتے جثہ وانگ سواہ

وے جے سُندا ایں کوکاں میریاں، کوئی اُتر چا پرتا

کوئی گھل سنیہا سکھ دا، کوئی پریم دا راگ سنا

میں راہیں جند وچھا دیاں، کران تیری آدربھا

سن جوگیا راہواں بھلیا، مڑ گھر نوں پھیرا پا

۔۔۔

پیراں وچ دھرتی کنبدی، مینوں انج نہ واجاں مار

اک تیر کلیجے ماریا، تیری ڈونگھی اکھ دی دھار

نی میں لمی واٹیں تر پیا، کچھ منزل سُدھ نہ سار

کتھے لبھاں اپنے آپ نوں، میں دتا جگت وِسار

۔  ۴؍  مارچ ۲۰۱۱ء