غزل
توا دوجیاں دا جے لاوندے پھرو گے
تے دامن کدوں تئیں بچاوندے پھرو گے
حضور ایہ تے دسو، غریباں نوں آخر
کدوں تئیں تماشا بناوندے پھرو گے
کدی اپنیاں وی سناؤ تے مناں
کے، مینوں ای بھیڑا بناوندے پھرو گے
ہنیری ہنیریاں راتاں چ جھُلّی
کدوں تئیں چراغاں کراوندے پھرو گے
اوہ سن لَو جہڑے مینوں کہندے او جھلا
تسی کل میرے شعر گاوندے پھرو گے
سمجھدے نہیں بات جیندے دی میری
مرے توں نگارے وجاوندے پھرو گے
چمکنوں نہیں رہندے، آسیؔ جی، تارے
کدوں تیک ہنجو لکاوندے پھرو گے
۔ ۱۹؍جولائی ۱۹۸۵ء
No comments:
Post a Comment