غزل
سہن نہ ہوندی تیری چپ
اینی لمی ڈوہنگی چپ
میں تاں تینوں ویکھ رہیآں
تینوں کاہدی لگی چپ
بکل وچہ لکوئی بیٹھا
ہر کوئی اپنی اپنی چپ
لوکی رون دوہتھڑ مار
انّھی بولی دھرتی چپ
اندر مچے نیں کرلاٹ
کندھاں اتے لکھی چپ
کسے غریب دے ہوکے سن کے
میرے توں نہیں ہوندی چپ
میں نہ بولاں تے کیہ ہویا
دنیا تے نہیں رہندی چپ
جد بولن دا ویلا آوے
کر جاندے نیں لوکی چپ
میں جدوں دی بولن لگاں
سجن کہندے آسیؔ! چپ!۔
۔ ۲۴؍ ستمبر ۱۹۸۵ء
No comments:
Post a Comment