غزل
مدتاں ہو چلیاں
چٹھیاں نہ گھلیاں
قافلے وی لد گئے
دور بولن ٹلیاں
روٹیاں نیں مہنگیاں
غیرتاں سولیاں
ورق ورق زندگی
مورتاں اتھلیاں
سار نہیں کِنیاں
سینے سٹاں سلھیاں
دل اداس ہو گیاے
کدھرے تاراں ہَلیاں
ویریاں دی لوڑ اے
یاراں راہواں ملیاں
ساون سُکے رہ گئے
کیا ہوائیں چلیاں
زندگی دی لاش تے
بھکھ پاوے جلھیاں
ڈنگ ڈنگ ڈھکیاں
ڈومنے نے چھلیاں
آسیؔ نوں کیہ آکھئے
ایویں مارے جھلیاں
۔ ۸؍ اپریل ۱۹۸۵ء
No comments:
Post a Comment