Thursday, March 14, 2019

تِن نظماں: لوبھ، جیو دی نگری، تڑپ 1972۔


لوبھ

کتے نوں مردار ڈھِیا، اوہ وَڈھ وَڈھ چکاں کھاوے
جے کوئی دوجا نیڑے آوے، گھرکی مار ڈراوے
کاگ تائیں ہک ٹکڑا لبھا، کاں کاں شور مچاوے
آؤ اس نوں رل کے کھائیے، ایہ آواز لگاوے
۔۱۹۷۲ء۔

جیو دی نگری

جیو دی نگری بھول بھلیاں، کیہڑا عقل جیو دی رکھے
جیو وچ پریم، کرودھ پلیندے، جا ہر دی وکھو وکھ اے
جیو وچ میوے لکھ سوادیں پر چکھن ہون نہ چکھے
آسی سجھ نہ جیو دی پائی، جی ویکھیا ورھیاں لکھ اے
۔۱۹۷۲ء۔


تڑپ

مزا جو عشق دی تڑپ چ ملدا، اوہ نہ ملدا وچ وصال اے
کرے اڈیکاں نالے عاشق سمجھے جیوں سوہنا میرے نال اے
اک وار جے لگے تے پھر نہیں مڑدا، ایہ عشق دا مرض کمال اے
تینوں خبر نہیں پر تیں بن سجناں، ساڈا کیہ جیہا ہوئیا حال اے
۔۱۹۷۲ء۔

No comments:

Post a Comment