بابا!۔
جہڑے گھر دا بڑا سی مان تینوں تیرے پُتراں نے دتا ڈھا بابا!۔
اسیں گھر دے وچہ بے گھر ہوئے سانوں کیتی دی ملی سزا بابا!۔
تیرا سبق یقین تنظیم والا اسیں کدوں دا دتا بھلا بابا!۔
اسیں رب رسول نوں چھڈ بیٹھے گھڑ بیٹھے آں نواں خدا بابا!۔
بابا، کیہ دساں تینوں کیویں دساں اوکھی مننی اپنی تقصیر بابا!۔
اسیں وَیریاں دے آکھے لگ بیٹھے وَکھو وَکھ ہوئے سَکّے وِیر بابا!۔
اج تیری جُدائی رُلاوندی اے کوئی آن کے کر تدبیر بابا!۔
کوئی پیار دی تھاپنا دے آ کے تیرے بچے نیں بڑے دلگیر بابا!۔
۔ ۱۱؍ ستمبر ۱۹۸۵ء
No comments:
Post a Comment